قواعد و ضوابط

ایک انتہائی ذمہ دار کارپوریٹ شہری ہونے کی حیثیت سے انڈس موٹر کمپنی لمیٹڈ اپنے ملازمین اور ڈائریکٹرز سے توقع کرتی ہے کہ وہ مندرجہ ذیل باتوں کا خیال رکھتے ہوئے ادارے کی ساکھ کو بحال رکھیں اور اسے بہتر بنائیں:

  • ادارے کے اندر اور اس سے باہر اپنے تمام کاروباری تعلقات میں ایمانداری کا ناقابلِ مواخذہ معیار برقرار رکھیں۔
  • اپنی ذمہ داری کے دائرۂ کار میں آنے والوں کے درمیان کردار اور کاکردگی کے اعلیٰ ترین معیار کو فروغ دیں ۔
  • کاروباری لین دین میں شفافیت کو یقینی بنائیں اور ہر ایسے عمل کو ردّ کردیں جسے نامناسب سمجھا جاسکتا ہو، اور
  • منصفانہ کاروباری روایات کو فروغ دیں اور قانونی اور ریگولیٹری ضوابط کی تعمیل کو یقینی بنائیں۔

ان باتوں کا خیال رکھنے میں ملازمین اور دائریکٹرز مندرجہ ذیل ہدایات پر عمل کریں:

      مفادات کا ٹکراؤ

  1. کسی بھی ایسے ذاتی مفاد کو ، جو کسی ایمپلائی کی غیر جانبداری کو متاثر کرسکتا ہویا اس بات کا جواز ہو کہ دوسرے اس کے بارے میں ایسا سمجھتے ہیں، تحریری طور پر واضح بیان کردیا جائے۔
  2. ادارے کے اثاثہ جات کو ذاتی کاموں کے لئے استعمال نہ کیا جائے ، جب تک اس کی خصوصی اجازت نہ حاصل کر لی جائے۔
  3. عملے کے ہر رُکن کوادارے میں کُل وقتی بنیاد پر بھرتی کیا گیا ہے، چنانچہ وہ براہِ راست یا بالواسطہ کسی بھی کام، کاروبار یا تجارتی سرگرمی میں ملوث نہیں ہوسکتا۔اس سلسلے میں کوئی بھی استثناء صرف چیف ایگزیکٹو آفیسر کی تحریری اجازت سے حاصل کی جاسکتی ہے۔.

معلومات کی رازداری اور درستگی  

کاروبار کے دوران حاصل ہونے والی کسی بھی معلومات کی رازداری کا احترام کیا جائے اور اسے کبھی بھی ذاتی فائدے کے لئے استعمال نہ کیا جائے؛ کاروبار کے دوران دی جانے والی معلومات درست ہونی چاہئے نہ کہ دھوکہ دہی کے مقصد سے گھڑی ہوئی۔ مزید براں، ادارے کے تمام معاملات کو رازدارانہ تصوّر کیا جائے اور انھیں ملازمت کے دوران یا بعد کسی بھی تیسرے فریق کے سامنے ظاہر نہ کیا جائے۔

تحائف

تمام ملازمین کے لیے ادارے کے کسی دوسرے ملازم یا ڈسٹری بیوٹر، ڈیلر، وینڈر یا صارف سے تحائف قبول کرنا یا پیسے اُدھار لینا ممنوع ہے۔ ایسے ذاتی تحائف دینے یا قبول کرنے سے اجتناب کیا جائے جو کاروباری روایات کی حدود سے باہر ہوں۔

مالیات، اثاثہ جات، رسیدوں اورادائیگیوں کی درست ریکارڈنگ

تمام مالیات، اثاثہ جات، رسیدوں اورادائیگیوں کو کمپنی کی Books میں ٹھیک طرح ریکارڈ کیا جائے۔ اس بات کا خاص طور پر خیال رکھا جائے کہ کوئی بھی فنڈز یا اکاؤنٹس کسی بھی ایسے مقاصد کے لیے قائم کیے یا چلائے نہ جائیں جن کی کمپنی کے ریکارڈز میں عکاسی نہ کی گئی ہو۔

صحت و حفاظت

عملے کا ہر رُکن اس بات کو یقینی بنانے کا معقول حد تک خیال رکھے کہ اُس کی اپنی صحت و حفاظت بھی بحال رہے اوراُن لوگوں کی بھی جو کام کے دوران اس کے کسی عمل سے متاثر ہوسکتے ہیں۔عملے کے ارکان کسی بھی ایسی شے کو خراب یا اس کا غلط استعمال نہ کریں جو ادارے نے عملے کی صحت، حفاظت اور فلاح کے لیے یا ماحول کی حفاظت کے لیے فراہم کی ہے۔

ماحول

ماحول کے تحفظ اور اس کی حفاظت کے لیے عملے کے تمام ارکان کو چاہئے کہ:

  • کمپنی کی سہولیات اور اس کے طریقوں کو اس انداز میں تشکیل دیں اور چلائیں کہ ملحقہ communities کے اعتماد کو یقینی بنایا جاسکے؛
  • وسائل کی بچت، فضلے میں ممکنہ حد تک کمی اور ماحول میں کیمیکلز اور گیس کے اخراج میں ممکنہ حد تک کمی کو فروغ دیں؛
  • ماحولیات سے متعلق آگاہی اور ماحول کی حفاظت میں بہتری کی مسلسل کوشش کریں۔

کام کرنے کی جگہ پر ہراساں کرنا

عملہ ایسا ماحول برقرار رکھے جو ہراساں کرنے کے روئیے سے پاک ہو اور جس میں تمام ملازمین اور ڈائریکٹرز کا یکساں طور پر احترام کیا جاتا ہو۔ اس سے مراد ہر اُس عمل سے احتراز ہے جس سے ناموافق یا جارحانہ ماحول پیدا ہو، مثلًا جنسی طور پر ہراساں کرنا اور جنس، مذہب اور رنگ و نسل کی بنیاد پر اہانت آمیز بیانات دینا، یا اس جیسے دیگر عمل۔

کمپنی کی ساکھ

عملے کے تمام ارکان اوقاتِ کار کے دوران یا علاوہ کسی بھی سیاسی سرگرمی میں شریک ہونے یا کوئی بھی ایسا ذاتی رویہ اختیار کرنے سے گُریز کریں جس سے ادارے کی ساکھ متاثر ہوسکتی ہو۔

قانونی کارروائیاں

اگر عملے کا کوئی رُکن کسی بھی قانونی کارروائی، خواہ سوِل یا فوجداری،میں ملوث ہوجائے تو فوری طور پر اپنے افسر کو تحریری طور پر آگاہ کرے۔

This post is also available in: English